Бишкек шаарынын өлүкканасында пара талап кылуу фактысы боюнча кылмыш иши козголду. Бул тууралуу Kaktus.media Экономикалык кылмыштарга каршы күрөшүү мамлекеттик кызматына таянуу менен билдирди.
Эске салсак, Kaktus.media буга чейин бир адам редакцияга кайрылып, ал тууганынын сөөгүн өлүкканадан сойбой чыгарып берүү үчүн акча талап кылышканын айтканы тууралуу жазып чыккан.
Белгилей кетсек, Бишкекте эки өлүккана бар: соттук-медициналык бюро жана анатомиялык патология бюросу. Пато-анатомиялык кабинетте сөөк эч кандай кыйынчылыксыз өткөрүлүп берилет.
Белгиленгендей, Бишкек шаарындагы Экономикалык кылмыштарга каршы күрөшүү башкармалыгынын тергөө тобу Республикалык Патологиялык жана Анатомиялык Бюросунун (өлүккана) кызматкерлери тарабынан маркумдун сөөгүн сойбой алып чыгуу үчүн каза болгондордун туугандарынан акча талап кылуу фактысы боюнча тергөө ишин баштады.
