Кыргыз эстрада ырчысы Айгүл Чалова жолдошу менен ажырашканы маалым. Ырчы айым алар эки жолго түшкөндөн бери мурунку жолдошу кызынан кабар ала электигин айтат:
“Бөксөргөн көңүл толушу кыйын.
Кыялың учса конушу кыйын,
Айтматов сөзү жүрөктөн кетпейт,
Адамдын адам болушу кыйын”,- демекчи, асамыңды уратып жатса дагы өз оордун билген, мээримин аябаган энеби, атабы бала үчүн жашоого милдеттүү экенбиз.
Дүйнөлүк психологияда ичиңдеки ызааңды калтырбаш керек дешет, ошондуктан мен каалаган учурда көңүлүмдөкү болгон нерсени өз баракчама жазууга укугум бар.
Менин жашоомду тымызын жүрүп кырсыкка учураткан адамдарды билип тообо кылдым. Алар мындай көрүнүштү түшүнө албайт, анткени алардын телегейи тегиз, бирөөнүн убал-сообу менен эсептешпейт. Ушунча ага болгон ишеничимди артып, анын дагы кемчиликтерине көз жумуп жашап жатканда, бирөөнү таап, кызым экөөбүздү чанып кеткени бул күтүүсүз нерсе болду. Күтпөгөн адамыңдан күтүлбөгөн нерсени күтүү өтө оор экен. Убакыттын өтүшү менен баарын жеңүгө болот.
Өзүнүн кызыкчылыгын ойлоп жашоосун ылайыктап коюп, бир ай боло электе биз менен иши болбогонуна таң калам. Кызымдын ооруп жатканын айтсам дагы үн дебедиң, эмне ичип эмне жеп атат ал сени ойлондурбайт анткени сага акчаң чөнтөгүңдө толук калганы маанилүү, сен эч нерседен кем болбой бактылуу жашашың керек аны түшүнөм бирок сен бизди түшүнгөн жоксуң.
Буюрса, Кудайым өмүр, ден соолук берсе, биз дагы чоңойобуз, Ин Ша Аллах. Кызымды карап отуруп “атам качан келет, сагындым” деген сөздөрүн укканда бүт дүйнөнү өрттөп салчу абалга келем. Кызың сени кандай жакшы көргөнчөлүк сен кызымды аталык камкорго муктаж наристе катары көрө албадың.
Сен мага башка болсоң дагы сен кызыма атасы бойдон калаарыңды унутпа. Эртеңки күнү эрезеге жетип, ак менен караны айрымалап калганда сенин ушул кылган кылыгыңды кечирээр бекен. Аял байкуш тебеленсе да бала ташталбаш керек. Апасы мен бармын, чоңойтом, окутам, адам кылам. Бирок, атанын орду башка. Бир туруп кызымдын атасы катары сени күнөөлөгүм келбейт.Сени бузуп акылыңдан адаштырган адамдарды күнөөлөйм.
Алган токолуңа айтаарым: “Жашоо эми башталды, алды дагы сыноолорго даяр бол, кайтар дүйнө демекчимин. Айта берсем сөз көп, бирок, бирок деген сөз бар. Ар ким өз деңгээлине жара түшүнөт.
Айтаарым бул: “Жеңил ойлуу кыз болгондуктан ар ким менен жүрүп боозуп калганын билбей шашылып бирөөгө тийүүнү чечкендиктен биздин жашоону бузууга аргасыз болду. Менин жашоомду билгендей сени тааныбасам, көрбөсөм сен менин жашоомду кайдан билесиң ошончол эле билген адам болсоң ошондо пайда болбойт белең. Билем силерди ким тараптан экениңерди. Мен бул жерде күйөөмдү чакырып же сагынып аткан жокмун мындай ээрчиме экенин билгенде жийиркенип калдым. Болгону кызымдын атасына болгон сезимин аяйм. Силер эмне бирөөнүн убал-сообун түшүнмөк белеңер жана кызынын сагынычын түшүнмөк белеңе”.
